مانو المنائی اسوسئیشن کے تیار کردہ داخلہ اعلامیہ کے پوسٹر کا وائس چانسلر کے ہاتھوں اجرا

حیدرآباد، 18؍ مئی (پریس نوٹ) مولانا آزاد نیشنل اردو یونیورسٹی کے سابق طلبہ کی تنظیم مانو المنائی اسوسئیشن (مانو انجمن طلبائے قدیم) کی جانب سے یونیورسٹی کے داخلہ اعلامیہ پر مشتمل پوسٹر جاری کیا گیا۔ اس کا رسم اجرا ڈاکٹر محمد اسلم پرویز، وائس چانسلر نے اپنے دفتر میں کیا۔ انہوں نے اس موقع پر کہا کہ انجمن کا یہ کام یقیناًقابل ستائش ہے۔ اس سے طلبہ تک یونیورسٹی میں



چلائے جارہے کورسز کے متعلق شعور بیداری ہوگی۔ بطور خاص مدرسہ طلبہ کے لیے رابطہ (برج) کورسز کی مناسب تشہیر ضروری ہے۔ اس سے انہیں فنون، سائنسی و سماجی علوم میں اعلیٰ تعلیم کا موقع فراہم ہوگا۔ اس موقع پر صدر انجمن جناب اعجاز علی قریشی، نائب صدور سید علی حیدر رضوی، محمد عبدالباسط، جنرل سکریٹری محمد واحد علی خان، شریک معتمدین ایوب خان و سید توفیق احمد اور خازن جناب سید عبدالقیوم موجود تھے۔